Adventstid

No er det veldig lenge sidan eg har blogga, men eg har rett og slett gått tom for ting å styre med her heime om dagane. Får sjå om det vert comeback no.
Her gledar me oss enormt til jul alle sammen, og eg er kanskje den som gledar seg aller mest faktisk. Jula er den nydeligaste tida på heile året. ♥♥♥



Me har baka fire sortar allerede. Trur neppe det vert sju, men har ein plan om eit par til kanskje.


Det har endeleg vorte minusgrader her og, men snøen let seg vente på. Håpar verkeleg det lavar ned snart og at jula vert kvit.

No vert det pynting av resten av peparkakene - dei går visst fort unna her. ♥

Ha ei framleis flott adventstid!

Mitt nyaste prosjekt.

I påska kom pappa med denne flotte "amerikakofferten" til meg. Den kjem ifrå eit gammalt hus som me har brukt som hytte og er truleg over 100 år gammal. Den ser godt brukt ut og er mitt neste prosjekt.


Planen er selfølgelig å få den kvit, men etter å ha testa litt i går kveld kan det hende det ikkje er så lett som eg hadde trudd. Det brune på kofferten er nemlig meir som ei strie som er øydelagt fleire plassar. Men eg skal få det til. Berre vent. :)

I vente på at badet skal bli ferdig har eg mange prosjekt på gang her. Koffert, dørmåling, vinduskarmar, takmåling og veggar, Om eg ikkje skal være fed up av måling til slutt så veit ikkje eg..



No skal eg strax av gårde på jobb, misunnar virkelig Alexander som får være ute i barnehagen i dag i dette nydelige været. Butikkjobbing er ikkje noko særlig når sola steiker ute. :/

Ha ein fin dag alle sammen (av dykk som enno er innom bloggen min til tross for dårlig oppdatering for tia.)

Fantastisk fin langfredag!

I dag har me vore på nydelig tur i finværet ilag med gode vener ♥
Det har vore heilt fantastisk vær i dag, nesten sommartemp og så og seie vindstille. Me har vore ute stort sett i heile dag og eg kjenner det gjer virkelig godt for kroppen at våren har komt.
Eg har gått litt lei av blogginga i det siste, men skal prøve å komme tilbake no.

Påskeharen hadde vore hjå Stine og lagt att påskeegg til ho! Heldiggrisen!

Me gjekk over neset frå Naglatun til Leirviki.

I Leirviki sto det ein tjeld og sola seg.

Dagens bilde: Pusen la sin elsk på Stine! ♥

No er eg "åleine heime"; dvs at mannen er utomhus i kveld, og eg har sett siste episode av sesong 7 av Greys Anatomy og grine for meg sjølv. ;)
Håpar alle har hatt ein like flott langfredag som det eg har!

Gratulerar så kjempemasse med dagen, Therese!! Eg er så supergla i deg skal du vita! Håpar du har hatt ein fantasisk dag! ♥♥

Picnik

I dag var me inne på Ylvisåker og kosa oss; meg, Alexander, Silje, Stine, Therese og Celina. Kjekt å gjere noko "anna" av og til. Me hadde picnik og Silje måla ungane med ansiktsmåling.


Trøytt og sliten i kveld. Håpar de har ein finfin søndagskveld.

Til veka reiser eg på kurs att, så blir antakelig lite blogging.

Klem

Påskelilje og sølvpuss

No har me komt til April og eg tykkjer tiden går heilt utruleg fort! No har eg ein liten pause imens eg ventar på at pizzadeigen skal heve seg luftig og stor. I kveld blir det heimelaga pizza og kanskje Shrek 3 ilag med vesleguten. (No er eg veldig glad i slike filmar sjølv så eg er glad eg har ein unge til "unnskyldning" for å sjå dei ;)

Eg har masse planar for april, det vert planting i beddet, eg og Alexander skal planta reddik inne, eg har planar om å lage påskeegg og ikkje minst; eg håååpar på å flytte opp i løpet av månaden.

Alexander hadde planta påskeliljer i barnehagen i går. Kjempekjekt å få med seg heim og sjå at den blomstra i dag tidlig. Finfine blomsten!

Eg og Alexander har (tru det eller ei) pussa sølv i dag. Det tok mykje lenger tid enn eg hadde forventa, men me kom i mål og det er utruleg å sjå forandringa. (Betyr kanskje heller at eg burde pussa oftare). Noko gammalt og ein del "nytt". Favoritten min er denne skeia etter bestemor. Etter å ha fortalt Alexander om at denne var ifrå mi bestemor og at det står Oline på den, seier han "Jammen flax at ho heitte det samme som deg, så kunne du få skeia hennas!" ♥

Håpar alle har ein fantastisk kveld.

PS: eg ønsker meg sol i morgo.

Heimedagar med godguten min ♥

Her i huset er me heime om dagen eg og Alexander. Han er sjuk og heime frå barnehagen på tredje dagen i dag. Hostar så fælt stakkarsen.
I dag er det heilt nydelig vær ute. Våren er her i dag, og eg nyt det - inne ifrå.. Var såvidt ute og henta posten, og sjølv om det er sol og nydelig så var det KALDT enno. Litt skeptisk på om tulipanane og dei andre plantene i bedet klarar seg i den frosne jorda.

Var på gartneriet i går. Det var så mykje fint der no! Men endte opp med desse to sinkhusa. Eg har hittil ikkje følt at sink passa inn her i heimen, men jammen - desse var AKKURAT det som skulle til i peishylla vår. ♥ Muulig det kjem meir sinksaker etterkvart likevel då?

Kjøkenet vårt er endelig heilt ferdig! Me har fått resten av skuffefrontane og skåpdørane, fått skrudd på håndtak, justert skuffer og ordna alt anna dill som skal til på eit nytt kjøkken. Alt er klappa og klart til oppflytting her vertfall.
I tillegg fekk min kjære viljen sin om å ha bord på kjøkenet. Eg var veldig imot det, då eg meinte det ikkje var plass til det, men gosh - eg må innrømme at eg faktisk har blitt forelska i vårt nye bord og dei supersøte stolane! For ein koselig krok det vart! ♥

Eg er som sagt heime med sjuk gut om dagen og i dag kom "Mo'mo'" på sjukebesøk. Ho hadde med seg pannekaker og lego. Starwarslego for å væra eksakt. Det er jo "kjempekult"! Eg veit ikkje heilt om eg er einig, men så lenge sjuklingen min er nøygd så er eg og nøygd. ♥

Eg håpar alle har ein like flott vårdag som det eg har!
Kjempekjekt at de stikk innom!! Kos å sjå at folk les bloggen min.

Klem

Sjokoladekakesøndag

Det er litt labert med blogginga mi for tida, mest fordi eg ikkje har tid til overs eller noko spesiet å blogga om. Litt fantasilaus for tida kanskje. Har hatt jobbehelg i tillegg denne helga, så eg kan jo kanskje bruka det som unnskyldning..?

Dagen i dag har gått til husarbeid mest, men fekk og tid til å baka sjokoladekake. Anledning? Eigentlig kun og greitt fordi eg hadde LYST på sjokoladekake ;) Den var god og!

Guten min er litt tusk i dag. Litt feber og hoste att. Får håpe det går like fort over som det gjorde sist. Er ikkje meir enn eit pa veker sidan han var forkjøla med feber. :( Så seigt med sjuke ungar. Dei skal være friske og blide heile tida tykkjer eg. Stakkarsn min.

Eg funderar på kor eg skal henge den gamle spegelen min.. Finn liksom ikkje rette plassen for den.

Me er litt slappe i fisken alle mann her heime i dag, så det blir nok ein del sofasitting imens me ventar på Richard som kjem med restane til kjøkenet vårt. Snille snille broren min har vore på ikea og handla alt me mangla. Gledar meg sånn til å få alt på plass og ferdig. Då kan me kryssa enno eit rom av lista over oppussingsprosjekt. :)

No er spisebordet klart til måling og, så no må eg kjøpa inn og starta på det imens Geir tek seg av bad og vaskerom. Det kitlar i magen - så mykje gledar eg meg til å flytta opp.

Ha ein strålande fin søndagskveld alle! Legg att eit hei, så ser eg at du er innom! :)

Klem